Бүгүн, 1-декабрь Коррупцияга каршы күрөшүүнүн эл аралык күнүнө карата Кыргыз Республикасынын Социалдык фонду “Коррупциянын алдын алуу” деген темада конференцияны өткөрдү. Иш-чарага эксперттер жана адистер чогулуп, алар коррупцияга каршы чаралардын көйгөйлөрүн, коррупциянын алдын алуу ыкмаларын жана коррупциялык факторлорду түзүүнүн шарттарын талкуулашты.

Өзгөчө конок катары келген юридика илимдеринин кандидаты Б.Какешовдун “Коррупцияга каршы пропаганда жана агитация” багытындагы өз тажрыйбасы менен бөлүшүп жаткан лекциясы өзгөчө таң калтырды.

Соцфонддун ички аудит башкармалыгынын башчысы Н.Тойчиева жана адам ресурстары бөлүмүнүн башчысы А.Орозованын баяндамалары да катышуучулардын көңүлүн буруп, потенциалдуу коррупциялык тобокелдиктерди жана кадрдык иштеги коррупцияга каршы чараларды карашты.