Т. Садыков атындагы КР көркөм сүрөт академиясына караштуу Көркөм сүрөт колледжинде, КР ӨКМ алдындагы Гидрометеорологиялык кызматтын аппарат кызматкерлерине, Бишкек шаардык Медициналык колледждин студенттерине жана мугалимдерине, Жоопкерчилиги чектелген “Мегапарус” коомунда жана “Кока-Кола” жабык акционердик коомунда бир катар окуулар өтүлдү. Окуулардын учурунда берилген суроо-жоопторго токтоло кетсек.

- Эгерде бир нече ай пенсиялар берилбей калса каякка кайрылабыз?

- Кандайдыр бир себептер менен пенсияны төлөө токтотулган болсо, себебин аныктоо үчүн жашаган жериңиздеги Социалдык фонддун райондук башкармалыктарына кайрылуу керек.

-  Пенсияга кандай учурда чыкпай калат?

- Пенсияга чыгуу укугу, камсыздандырылган жаран камсыздандыруу төгүмдөрүн төгүп жүрсө, ал стаж болуп эсептелинет, ал эми камсыздандыруу төгүмдөрүн төлөбөй жүргөн жарандарга пенсия укугу берилбейт.

- Ипотеканын бардык түрүнө 2% пенсиянын бөлүгү берилеби?

- Ооба, ипотекалык келишим коммерциялык банктар, же болбосо МИК аркылуу алынган ипотеканын бардык түрүнө уруксат берилет, бекитилген шарты боюнча сиздин жеке эсебиңизде 50 000 сомдон ашык акча каражатыңыз болуусу зарыл.

- Жеке ишкерлер үчүн төлөмдөрдүн тарифтери кандай?

- Жеке ишкерлерге тариф чендери ар түрдүү, ал иштеген тармагына ылайык Мамлекеттик социалдык камсыздандыруу боюнча камсыздандыруу төгүмдөрү айырмаланат.