Баккан адамынан айрылгандыгы боюнча пенсия алуу үчүн Социалдык фонддун аймактык бөлүмүнө төмөнкү документтер берилиши керек:

1) алуучунун паспорту;

- качкындын расмий статусуна ээ болгон жарандар үчүн - качкындын күбөлүгү;

- Кыргыз Республикасынын аймагында туруктуу жашаган чет өлкөлүк жарандар үчүн - Кыргыз Республикасынын мыйзамдарына ылайык жашоо укугуна берилген уруксат.

Баккан адамынын документтери:

2) Эмгек китепчеси;

3) Орто окуу жайын же жогорку окуу жайын (ЖОЖ) аяктагандыгы тууралуу диплом (19.02.1999-жылга чейинки күндүзгү окуу бөлүм кабыл алынат);

4) аскердик билет;

5) аялдар үчүн – балдарынын туулгандыгы тууралуу күбөлүгү;

6) 1996-жылдын 1-январына чейин каалаган 60 айдагы үзгүлтүксүз иш үчүн эмгек акы жөнүндө маалымкаттар;

7) никени каттоо же ажырашуу жөнүндө күбөлүк, ал башка фамилияга берилген документтер болгон учурда берилет;

8) баккан адамынын өлгөндүгү жөнүндө  күбөлүктүн нотариатта күбөлөндүргөн көчүрмөсү;

Багууда болгондордун документтери:

9) эмгекке жараксыз багууда болгондордун туулгандыгы тууралуу күбөлүктөрү;

10) эгерде багууда болгон бала чагынан майып болгон учурда -   майыптыгынын тобун белгилөө жөнүндө МСЭКтин маалымкаты;

11) үй-бүлөнүн эмгекке жараксыз мүчөсүнүн каза болгон баккан адамдын багуусунда болгондугун ырастаган документтер;

12) камкорчунун арызына аны камкорчу кылып дайындоо жөнүндө камкорчулук органынын чечиминин көчүрмөсү тиркелет;

13) өгөй баланын өлгөн адамдын тарбиясында жана багуусунда болгондугунун фактысын ырастаган документтер;

14) багууда болгон балдар орто окуу жайларынын окуучулары же жогорку окуу жайларынын студенттери экендигин ырастаган документтер берилет.