Кыргыз Республикасынын Социалдык фонду айылдык товар өндүрүүчүлөр жана базардагы соодагерлер арасында социологиялык изилдөө өткөрүп, пенсиялык төгүмдөрдү үзгүлтүксүз төлөйсүзбү деген суроого жооп алынды. Анын жыйынтыгы боюнча 62% айылдык товар өндүрүүчүлөр жана 46% соодагерлер гана ооба деп жооп беришкен.

Ошол эле учурда, пенсиялык төгүмдөрдү төлөгүсү келбеген фермерлердин жарымынан көбү (52,5%)  келечекте пенсия алгысы келет, 44,8% пенсия алам деген ишеними жок, бирок алууну каалашат жана  2,7% гана өз күчүнө жана бала-бакыраларынын жардамына ишенип, камсыздандыруу төгүмдөрүн төлөөдөн баш тартышууда.

Фермерлер тарабынан төлөнгөн камсыздандыруу төгүмдөрүнүн өлчөмү тууралуу сөз козгосок, фермерлердин эң көп пайызы (35,9%)  акыркы жыл ичинде 500 сомго жетпеген төгүмдөрдү төлөшкөн.

Акыркы жыл ичинде фермерлер тарабынан пенсиялык төлөмдөрдү төлөө

Пенсиялык төгүмдөрдү дайыма төлөгөн фермерлер акыркы жыл ичинде орто эсеп менен 4483 сомдон төлөшкөн. Пенсиялык төгүмдөрдү үзгүлтүккө учуратып төлөгөн фермерлер акыркы жыл ичинде орто эсеп менен 2370 сомдон төлөшкөн.

Ошону менен бирге, сурамжылоого катышкан фермердик чарбалардын мүчөлөрү орто эсеп менен айына 5,000 ден 10,000 сомго чейин (44,2%),  28,6% фермерлер  5,000 сомго чейин киреше алышат.

Фермердик чарбанын бир айлык кирешеси

Соодагерлер арасында жүргүзүлгөн ушундай эле сурамжылоонун жыйынтыгы боюнча алардын 23,5 % акыркы жылы 1,000 ден 1,500 сомго чейин, 22,4% - 2,000 ден 2,500 сомго чейин пенсиялык төгүмдөрдү төлөшкөн. Пенсиялык төгүмдөрдү дайыма төлөгөн 5 % соодагерлер акыркы жыл ичинде 2,000 ден 4,000 сомго чейин пенсиялык төгүмдөрдү төлөшкөн.

Акыркы жыл ичинде соодагерлер тарабынан пенсиялык төлөмдөрдү төлөө

Ошол эле учурда, (44,2%) соодагерлердин бир айлык кирешеси 5,000 ден 10,000 сомго чейин экендиги аныкталып, болгону 13,8% гана соодагерлер айына 5000 сомго чейин киреше алышат.

Соодагерлердин бир айлык кирешеси