Пенсия төлөө пенсионер катталган жери боюнча да, иш жүзүндө жашаган жери боюнча да  жүргүзүлөт. Көп учурда пенсионерлер катталган жеринде эмес башка жерде жашашат. Мындай жагдайлар пенсионерлердин өзүн да, Кыргыз Республикасынын Социалдык фондунун кызматкерлерин да бир топ ыңгайсыздыктарга алып келет. Пенсионерлерге пенсияларды төлөөдө келип чыккан маселелерди чечүү үчүн пенсионерлер пенсиялык иши турган районго келип,  Кыргыз Республикасынын Социалдык фондунун тийиштүү аймактык башкармалыгына кайрылууга туура келет, бул болсо абдан кымбатка турат. Эгерде пенсионер узак убакытка чейин башка райондо жашаса, ал өзүнүн ыңгайы үчүн пенсиялык ишин иш жүзүндө жашаган жерине котортуп алууга укуктуу. Пенсионердин жаңы жашаган жери боюнча катталуу талап кылынбайт. Пенсиялык ишин котортуу үчүн пенсионер Кыргыз Республикасынын Социалдык фондунун аймактык башкармалыгына мурдагы же жаңы жашаган жеринен тийиштүү арыз, иш жүзүндө жашаган жери жөнүндө кварталдык комитеттин же ТЭШ (Турак жай ээлеринин шериктиктери) же үй башкармалыгынын төрагасы тарабынан берилген маалымкат, паспорттун жана пенсиялык күбөлүгүнүн көчүрмөсүн бериши керек.