Төлөөчүлөр тарабынан мамлекеттик социалдык камсыздандыруу боюнча отчетторду Интернет тармагынын жардамы менен электрондук түрдө берүү үчүн Кыргыз Республикасынын Социалдык фонду тарабынан иштелип чыккан автоматташтырылган отчет кабыл алуу системасы 2015-жылдын 1-декабрынан тарта ийгиликтүү иштеп келе жатат.

Бүгүнкү күндө электрондук отчет кабыл алуу системасынын колдонуучулары 9437 түздү жана анын саны күндөн күнгө өсүүдө.

Социалдык фонддун отчет кабыл алуу системасынын артыкчылыгы:

1. Системаны акысыз колдонуу (эсептик ведомость жөнөтүү акысыз);
2. Автоматтык түрдө эсептик ведомостко киргизилген маалыматты текшерүү (маалыматты алдын ала  текшерүү);
3. Электрондук документтин юридикалык күчкө ээ болуусу (кагаз чыгаруунун кереги жок);
4. Системанын тынымсыз иштеши;
5. Call-борбору, система менен иштөө тууралуу толук маалымат алуу.