Биз социалдык камсыздандыруу жана социалдык камсыздоо түшүнүктөрүн жана аларды каржылоо булактарын так бөлүштүрүүнү сунуштайбыз. Пенсиялык саясаттагы сунушталып жаткан реформалардын маңызы мына ушунда.

Биринчиден, социалдык камсыздандыруу иштеп жана камсыздандыруу төгүмдөрүн төлөп жаткан адам  пенсияга чыкканда өзү төлөгөн камсыздандыруу төгүмдөрүнө жараша пенсия алаарына, б.а. канча пенсиялык каражат төлөсө, ошончо өлчөмдө пенсия төлөнөөрүнө кепилдик. Бул учурда шарттуу топтоо эсептериндеги төгүмдөрдү индексациялоо системасы да, пенсияларды жыл сайын индексациялоо формуласы да өзгөрүлөт, б.а. жаран пенсияга чыга электе анын бардык камсыздандыруу бөлүгү жыл сайын инфляция денгээлине индексацияланат,  пенсияга чыккандан кийин эмгек акынын жана инфляциянын өсүү темпине жараша формула боюнча, т.а. бардык пенсионерлерге бирдей пайыз менен индексацияланат.

Ошентип, бул формулага ылайык пенсиясы чоң болсо, ал чоң өлчөмгө жогорулайт (аз өлчөмдөгү пенсиясы бар адамдыкына караганда). Бул пенсиялык системанын адилеттүүлүгүн жогорулатуу тууралуу маселе боюнча.

Пенсиясы жок же пенсиясы аз адамдар эмне болот? Жаңы формулага ылайык алардын пенсиясы азыраак темп менен жыл сайын жогорулайт. Бул учурда калкты социалдык коргоо системасы иштеши керек, ал эми анын каржылоо булагы - республикалык бюджет болуп эсептелет.

Пенсиялык реформанын дагы бир чоң багыты – республикалык бюджеттин чыгымдарынын эффективдүүлүгүн жогорулатуу маселесине өтөлү. Бул чыгымдар жылдан жылга көбөйүүдө, бирок көп учурда калктын улгайган жана аялуу катмарын колдоо сыяктуу  өзүнүн максатына жетпей калууда. Ансыз да аз өлчөмдөгү республикалык бюджеттин каражаттарын жетиштүү оокаты бар  жана социалдык жактан колдоого муктаж эмес адамдар деле алып жаткандыгын көрүүдөбүз. Ушуга байланыштуу мындай төлөмдөрдү оптималдаштыруу боюнча бир катар чараларды даярдадык, мисалы пенсиянын базалык бөлүгү, электр энергиясы үчүн компенсация, пенсиялык камсыздоо боюнча айрым жеңилдиктер. Бул каражаттар жарандарды өтө жакырчылыктан коргоо үчүн мамлекет тарабынан белгилүү минимумду камсыз кылууга багытталып, ар бир адам өзүн пенсия менен камсыздоого стимулдарды төмөндөтпөшү керек.